"Барселона" дарвозабони Марк-Андре тер Штеген Ла Лигадаги "қуруқ" сериясини узайтирди.
Дарвозабон Испания чемпионатининг 8-туридан ўрин олган "Сельта"га қарши ўйинда (1:0) нолга ўйнади.
Германиялик посбон кетма-кет 6 та ўйинда гол ўтказмади. Серия 624 дақиқани ташкил қилмоқда. Ҳаммаси бўлиб 8 ўйиндан 7 тасида дарвозадан тўп олиб чиқилмаган.
Тер Штеген охирги марта Примерада 21 август куни "Сосьедад" билан баҳсда (4:1) гол ўтказиб юборган эди.
