Темур Кападзе: "Локомотив" ўз олдига юксак мақсадларни қўяди"

Таништирув маросимидан сўнг тажрибали ярим ҳимоячи ўз фикрларини билдириб ўтди.

"Локомотив" доим ўз олдига юксак мақсадларни қўяди. Таркибга яхши футболчилар қўшилишди. Қолган футболчилар ҳам яхши савиядаги ўйинчилар ҳисобланишади. Худо хоҳласа биз ўз олдимизга қўилган мақсадимизга етишамиз. Вадим Абрамов билан бир неча йиллардан буён бирга ишлаб келаяпмиз. Унинг тажрибаси жуда катта. Бу мураббий бошчилигида яхши натижаларга эриша оламиз деб ўйлайман", - дейди Темур Кападзе.

"Осиё чемпионлар лигаси ва Европа лигасини солиштириш? Барибир Европада ўйин бироз тезроқ кечади. Лекин ОЧЛ савияси йилдан-йилга ўсиб бормоқда. Бу мусобақада иштирок этувчи кучли легионерлар кўпаймоқда. Узоққа бормайлик, рақибимиз “Ал Ҳилол” ўз таркибига Греция терма жамоаси ҳужумчиси Георгиос Самарасни қўшиб олди. Бир сўз билан айтганда савия яхши даражада", - деб ўз фикрларини якунлади Темур Кападзе.


Нарзулла Сайдуллаев ёзиб олди