"Тамбов" клуби собиқ директори ҳибсга олинди, у 10 йилга озодликдан маҳрум қилиниши мумкин
24 ноя 2021 19:01
Янгиликлар

"Тамбов" клуби собиқ директори ҳибсга олинди, у 10 йилга озодликдан маҳрум қилиниши мумкин

"Тамбов" ФКнинг собиқ спорт директори Павел Худяков Москвадаги касалхоналардан бирида МВД махсус бўлинмаси томонидан қўлга олинди.

Хабарларга кўра, Худяков "Тамбов" футбол клубига тегишли маблағларини ўғирлаш билан боғлиқ бир нечта жиноий ишда иштирок этган. 45 ёшли менежер терговга олиб кетилди.

Айтишларича, "Тамбов"нинг собиқ директори Олга Коновалова ҳозир Тамбов тергов изоляторида сақланаётган Худяковга қарши кўрсатма берган.

Тергов маълумотларига кўра, шаҳар "Тамбов" учун йилига 1 миллиард рублга яқин маблағ ажратган, бу маблағларни эса клуб раҳбарлари турли ноқонуний йўллар орқали ўзлаштирган.

Манбага кўра, Худяковга Россия Федерацияси Жиноят кодексининг 159-моддаси бўйича олтита жиноий иш айблови қўйилади ва катта эҳтимол билан эҳтиёт чораси сифатида ҳибсда ушлаб қолинади. Кейинчалик, иш судга оширилади, "Тамбов" учун ажратилган давлат маблағларини ўзлаштиргани учун Худяков 10 йилгача озодликдан маҳрум этилиши мумкин.

Ҳавола :

Манба : t.me/karpinside

Янгиликларни Телеграмда ўқинг!

Рейтинг: +2