"Сурхон" футбол клуби Мўминжонов ҳақидаги хабарни рад этди
07 окт 2018 19:05
Янгиликлар

"Сурхон" футбол клуби Мўминжонов ҳақидаги хабарни рад этди

“Сурхон” футбол клуби матбуот хизмати, бироз аввал championat.asia сайти томонидан чиқарилган "Эшитдик-да: Илхом Мўминжоновнинг кейинги иш жойи "Сурхон" бўлади" деган хабарни рад этади.

Бундан бироз олдин чиққан ушбу хабардан сўнг бир қатор мухлислар ўртасида ҳар хил гаплар бошланиб кетди.

"Сурхон" футбол клуби матбуот хизмати ушбу хабарни мутлақо рад этади.

Бизнинг жамоамизда барчаси кўнгилдагидек. Футболчилар аҳил бўлиб машғулотларда иштирок этмоқда.

Бугун жамоа Рифат Акрамхўжаев бошчилигида "Истиқлол"га қарши тайёргарликни бошлади. Тошкентда кучли ёмғир бўлишига қарамасдан, футболчилар астойдил меҳнат қилдилар.

"Сурхон" жамоаси айнан Руфат Акрамхўжаев билан ўз олдига юксак мақсадларни қўйган ва бунинг устида астойдил интилмоқда, - деб ёзади "Сурхон" клуби матбуот хизмати.