Суперлига. "Қизилқум" – "Хоразм" учрашуви қолдирилди

ЎзПФЛ матбуот хизмати Суперлига 4-туридан ўрин олган "Қизилқум" — "Хоразм" ўйини Самарқанддаги тадбирлар сабаб бошқа кунга қолдирилгани ҳақида маълум қилди.

"Суперлига 4-туридан ўрин олган "Қизилқум" — "Хоразм" ўйини 5 апрель санасига режалаштирилганди. Мазкур беллашув Самарқанд шаҳридаги тадбирлар сабаб қолдирилди. 

3-5 апрель кунлари Самарқанд Марказий Осиё — Европа иттифоқи расмий саммити ҳамда “Марказий Осиё глобал иқлим таҳдидлари қаршисида: умумий фаровонлик йўлида бирдамлик” мавзусидаги халқаро конференцияга мезбонлик қилади. Шундан келиб чиқиб, Суперлига жамоаларининг шаҳарга кириши, ҳаракатланиши ва футбол учрашувини ташкил этишда муаммолар юзага келишини олдини олиш мақсадида Самарқанд вилояти ҳокимлиги Лигага Суперлига ўйинини кўчириш таклифи билан чиқди.

Табиийки, бундай ҳолат ҳар икки жамоа футбол мухлисларининг ўйинни бевосита стадиондан томоша қилишида ҳам айрим чекловларга сабаб бўлиши мумкин. Бунинг олдини олиш мақсадида Лига Самарқанд вилояти ҳокимлигининг таклифини қабул қилади. 

Эндиликда Суперлига 4-туридан ўрин олган Қизилқум — Хоразм ўйини апрель-май ойларидаги тақвим, шунингдек, ҳар икки жамоа таркибида миллий терма жамоаларга жалб этилиши мумкин бўлган футболчилар камсонли эканлигидан келиб чиқиб, ФИФА кунлар вақтида — 6-июн куни ташкил этилади", -дейилади ЎзПФЛ хабарида.