Суперлига. Бугун "Локомотив" Жиззахда меҳмон, Қаршида Қашқадарё дербиси, "Қизилқум" - "Қўқон-1912" учрашувлари бўлади

Coca Cola Суперлига. 18-тур
СЎҒДИЁНА – ЛОКОМОТИВ
2 октябрь. Жиззах. "Сўғдиёна" стадиони. 17:00
Ҳакамлар: Жасур Мухторов, Аваз Абдуллаев, Сардор Нишонбоев, Санжар Назаров
Назоратчи: Дмитрий Роман
Комиссар: Лазиз Қўчқоров

Бу жамоалар ҳозирга қадар 25 марта ўзаро ўйин ўтказишган. 17 марта "Локомотив", 4 марта "Сўғдиёна" зафар қучган, қолган 4та ўйинда дуранг кузатилган. Ўзаро ўйинларда "Локомотив" 57та, "Сўғдиёна" 14та гол урган.

Сўнгги иккита ўзаро учрашувда "Сўғдиёна" бу жамоани икки марта мағлуб этган. "Локомотив" Жиззахда сўнгги бор 2017 йилги мавсумда ғалабага эришган.

Биринчи даврада Тошкентда ўтган баҳсда Улуғбек Бақоев бошчилигидаги жамоа сафарда 2:1 ҳисобида зафар қучганди.

НАСАФ – МАШЪАЛ
2 октябрь. Қарши. "Марказий" стадион. 18:00
Ҳакамлар: Раҳимбек Каримов, Жалғасбай Сарсенов, Дамир Искандеров, Аҳмаджон Эргашев
Назоратчи: Ноил Лутфуллин
Комиссар: Ойбек Юнусов

Қашқадарёнинг бу икки клуби Ўзбекистон чемпионатида ҳозирга қадар 31 марта тўқнаш келишган. 16 бор "аждарлар", 8 бор "газчилар" ғолиб бўлишган. Яна 7та учрашувда томонлар ғолибни аниқлай олишмаган.

"Машъал" ўзаро ўйинларнинг охирги 4тасида ғалабага эриша олмаган - 1та дуранг, 3та мағлубият. Сўнгги бор Муборак клуби 2016 йилги мавсумда ўз майдонида ғалабага эришганди. Қаршида эса "Машъал" сўнгги бор 2008 йилги мавсумда ғалаба қозонган.

Биринчи даврада Муборакда ўтган баҳсда 0:0 ҳисоби қайд этилган эди.

ҚИЗИЛҚУМ – ҚЎҚОН-1912
2 октябрь. Навоий. "Ёшлар" стадиони. 19:00
Ҳакамлар: Равшан Абдувоҳидов, Зуфар Элибоев, Фарҳод Усмонов, Наим Қосимов
Назоратчи: Александр Попов
Комиссар: Эркин Бахтиёров

Бу икки клуб бугунга қадар 19 марта ўзаро ўйин ўтказишган. 11 бор "Қизилқум", 7 бор "Қўқон-1912" 3 очкога эга бўлган. Битта баҳсда дуранг қайд этилган.

Навоийда ўтган охирги 4та ўйинда "Қизилқум" фақат бир бор ғалаба қозонганини кўриш мумкин.

Биринчи даврада Қўқонда кечган баҳсда мезбонлар 4:0 ҳисобида ғалаба қозонишганди.