UZ

Сўнгги янгиликлар

08:19“Монако”га “Ювентус” футболчиси керак   1 07:56Африка Миллатлар Кубоги. Нигерия терма жамоаси ҳужумчиси мусобақанинг энг яхши тўпурари бўлди   0 07:46Африка Миллатлар Кубоги. Мусобақанинг энг яхши ўйинчиси аниқланди   1 07:30Сенегал - Жазоир 0:1  0 07:23Жазоир - Африка Миллатлар Кубоги-2019 ғолиби! (тақдирлаш маросими)  1 01:50Африка Миллатлар Кубоги-2019. Жазоир 29 йиллик танаффусдан сўнг, яна бош соврин эгасига айланди  11 01:40Ҳозирда ишсиз бўлган мураббийларнинг рамзий терма жамоаси тузиб чиқилди  5 01:30Льорис "Тоттенхэм" қайси клубга ўхшаши зарурлигини айтди  1 01:00Расман: "Аякс" де Лигтнинг ўрнини тўлдириш мақсадида янги футболчи сотиб олди  4 00:30"Реал"да ишлаган мураббий: "Азар бу Роналду эмас"  5 00:05Неймар Месси, Вальдес ва "Реал" футболчилари ҳақида гапирди  13 23:30"Ювентус" Сингапурдаги йиғинга 27 нафар футболчини олиб кетди  9 23:05Африка Миллатлар Кубоги-2019. Жазоир – Сенегал ўртасидаги финал тўқнашувининг асосий таркиблари маълум бўлди  9 22:53Olamsport: Баҳодир Жалоловнинг навбатдаги рақиби, 7 нафар боксчимиз Қозоғистонда жанг қилди ва бошқа хабарлар  0 22:30Мальдини Модричнинг "Милан"га ўтиши ҳақидаги хабарларга аниқлик киритди  6

Суперлига: 4-тур рамзий терма жамоаси Янгиликлар

Суперлига: 4-тур рамзий терма жамоаси

Анъанамизга мувофиқ Суперлиганинг 4-тур рамзий терма жамоасини эътиборингизга тақдим этамиз.

Мазкур тур рамзий терма жамоасини 4-4-2 тактик схемасида туздик.

Қаршида "Насаф" билан ўйинда ишончли тарзда ўйнаган "Навбаҳор" посбони Ўткир Юсупов рамзий терма жамоамиз дарвозасидан ўрин олди. "Лочинлар" мавсумдаги илк ғалабани айнан Қаршида қўлга киритишди, бунда Юсуповнинг хиссаси жуда катта бўлди. Ўзининг собиқ клуби билан баҳсда бир неча марта жамоасини голдан қутқариб қолган Ўткир бу мавсум илк бор рамзий терма жамоамиздан жой олди.

Самарқанднинг "Динамо" клуби қанот ҳимоячиси Миркомил Локаев кетма-кет иккинчи тур рамзий терма жамоамиздан ўрин олди. "Сўғдиёна" билан ўйинда ўз қанотида жуда фаол бўлган Локаевнинг тўп узатишидан кейин Қадамбой Нурметов ягона голни ургани ҳам эътиборга молик. Термизда ўтган марказий ўйинда иккала жамоанинг ҳимоячилари ишончли ҳаракат қилишди ва ҳужумчилар гол ура олишмади. Майдон эгалари сафида Владимир Бубанья ҳаводан келган деярли барча тўпларни қайтаришга эришди. "Шерлар" таркибида эса Шерзод Аъзамов "Сурхон"нинг қарши ҳужумларини қайтаришда жонбозлик кўрсатди. Ҳали ўз стадиони тайёр бўлмагани сабабли Олмалиқда ўйнаган "Бунёдкор" "Андижон"ни мағлуб этди. Мазкур баҳсда жамоа ҳимоячиси Дилшод Аҳмадалиев жуда фаол ўйнади ва хатто бир неча бор рақиб дарвозаси олдида хавфли вазиятлар яратишда ҳам қатнашди.

Ярим ҳимояда бир йўла икки нафар таянч ярим ҳимоячи жой олди. "Сурхон"нинг ёш аъзоси Аброр Исмоилов "Пахтакор" билан ўйинда майдон марказида жуда яхши ва сифатли ўйнаганини таъкидлаш лозим. "Навбаҳор" вакили Абдужамол Исроилов эса Қаршида ёш "аждарлар"га қарши баҳсда муносиб ҳаракат қилди ва жамоасининг ғалаба қозонишида озми-кўпми ёрдам берди.

Кетма-кет иккинчи турда супергол уришга муваффақ бўлган Достон Ибрагимов бу мавсум илк бор рамзий терма жамоадан ўрин олди. Иқтидорли ярим ҳимоячи ўзининг ноодатий ҳаракатлари билан "Бухоро" ўйинларига чирой бағишламоқда. Бу футболчини ўз вақтида Жасур Абдураимов бошчилигидаги Ўзбекистон ёшлар терма жамоасидаги ўйинлари орқали барчамиз яхши таниймиз.

Мавсум кашфиётларидан бири бўлаётган Жасур Жалолиддинов илк бор рамзий терма жамоамиздан жой олди. 16 ёшли йигитча "Андижон" билан баҳсда фаол ўйнади ва жамоасига ғалаба келтирган голни урди. Гол ҳам оддий чиққани йўқ. Агар Жасур ўз устида ишлашдан тўхтаб қолмаса келажакда Ўзбекистон терма жамоасининг етакчиларидан бирига айланиши турган гап.

Бу турда илк бор асосий таркибда майдонга тушган "Металлург" ҳужумчиси Зоҳид Абдуллаев "Қизилқум"га қарши баҳсда иккита гол урди. Бу билан Абдуллаев кучлилар сафида ўзининг 99 ва 100-голларини уриб, Геннадий Красницкий номидаги тўпурарлар клуби аъзосига айланди.

Амалдаги мамлакат чемпиони "Локомотив" клуби бу турда АГМК устидан иродали ғалабани қўлга киритди. Ҳисобда ортда қолаётган пайтда жамоа ҳужумчиси Темурхўжа Абдухолиқовнинг голи жуда ҳам муҳим аҳамият касб этди. Бикмаев кетгач "темирйўлчилар"нинг асосий ҳужумчисига айланган Абдухолиқов бу мавсум тўпурар бўлиш учун асосий даъвогарлардан бири бўлиб турибди.


Суперлига, 4-тур рамзий терма жамоаси


Рейтинг: +24   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг