Сульшер: "Месси? Футбол 11га 11 ўйналади"
09 апр 2019 22:16
Янгиликлар

Сульшер: "Месси? Футбол 11га 11 ўйналади"

«Манчестер Юнайтед» бош мураббийи Оле-Гуннар Сульшер «Барселона»га қарши ЕЧЛнинг чорак финал баҳси олдидан фикрлари билан бўлишди.

“Ҳар бир ўйиннинг ўзига яраша аҳамияти бор. Албатта, «Барселона» каби юқори савиядаги жамоа билан тўқнаш келганингда янги даражага кўтарилишинг керак бўлади. Уларга қарши максимал куч билан ҳаракат қилиш керак. ПСЖ билан ўз майдонимизда тўқнашганимизда буни уддасидан чиқа олмагандик. Бироқ, жавоб учрашувидаги ижобий натижа клуб аъзолари ва мухлисларга ишонч бағишлаганди. Лионель Месси – фантастик ўйинчи. У барча даврларнинг энг яхши футболчилардан бири сифатида футбол тарихидан жой олади. Уни тўхтатиш қийин бўлади. Лекин, уддалаб бўлмас вазифанинг ўзи йўқ. Фақат Мессини ёпиш ҳам тўгри эмас. Сабаби футбол 11га 11 ўйналади”, - дея қайд этган 46 ёшли норвегиялик мутахассис.

Ҳавола :

Манба : UEFA.com

Янгиликларни Телеграмда ўқинг!

Рейтинг: +18