Сульшер - Марсьяль ва Рэшфорд ҳақида: "Ким ўзарга ўйнаш ҳақида ўйламаслик керак"

Ушбу мавсумда француз 23 гол урган бўлса, англиялик 22 марта рақиблари постига йўл топди.

"Уларнинг ўртасида ҳеч қандай мусобақа йўқ. Кўриб турибсиз, Антони ва Маркус гол уриши учун бир-бирига шароит яратиб бермоқда.

Футболчилар ўзаро ким ўзарга ўйнамаслиги керак деб ҳисоблайман. Чунки мақсадимиз бир - ўйинда ғалаба қозониш. Агарда футболчилар ўзларини, индивидуал совринларни ўйласа, мураббийнинг жамоага кераги бўлмайди. Барчаси оддий.

Менга эгоистлар керак эмас. Футболчи бошқалардан кўпроқ гол уришни ўйламаслиги шарт. Жамоа ғалабага эришаётган пайтда унинг 15 ёки 30та гол ургани ҳеч қандай аҳамият касб этмайди. У бу орқали фақатгина ўзини машҳур қилиши мумкин.

Ван Нистелрой голларга чанқоқ бўлган. 4:0 ҳисобида ютаётган пайтимизда у гол уриш ҳақида ўйламасди. Чунки у жамоавий футболчи бўлган. Рууд бирор марта ҳам дарвозага тепилиши керак бўлмаган пайтда зарба бермасди ва асосан пас ўйнарди", - деди Сульшер.