Суҳробжон Саримсоқов: “Учрашувга яхши тайёргарлик кўрдик”

Биз беллашувдан олдин меҳмонлар аъзоси Суҳробжон Саримсоқовнинг фикрлари билан қизиқдик.

“Локомотив-БФК” “Оқ-тепа” учун ноқулай рақиб, десак бўлади. Охирги уч мавсумда бу рақиб майдонида бўлиб ўтган учрашувларда ғалабани қўлдан чиқариб, мағлубиятга учраганимиз сўзимга исбот бўла олади. Бугун ўша совуқ анъанани бузишга ва ғалаба қозонишга ҳаракат қиламиз.

Бугунги баҳс биринчи тур ўйини бўлгани учун барибир қандайдир ҳаяжон бўлади. Аммо ўйлайманки, бу ҳаяжон майдонга чиққанимизда йўқолади. Рақиб ҳақида нима дейишим мумкин? “Локомотив-БФК” аҳил жамоа. Таркибида тўп билан яхши муомала қила оладиган тажрибали ўйинчилар билан бир қаторда ёш футболчилар ҳам бор. Бироқ биз ҳам ўйинга яхши тайёргарлик кўрдик. Мавсумни ғалаба билан бошламоқчимиз", - дейди Саримсоқов.