Суҳроб Нуруллоев: "Биз бир жамоамиз"

Ушбу турда Бекободнинг "Металлург" жамоаси ўз уйида Жиззахнинг "Сўғдиёна" клубини қабул қилди ва 2:0 ҳисобида ғалаба қозонди. Учрашувдан сўнг "Металлург" футболчиси Суҳроб нуруллоев ўз фикрларини билдириб ўтди.

"Сўғдиёна" жамоасига қарши жуда ҳам қийин учрашувни ўтказдик. Биринчи бўлимда рақибларимиз яхши ҳаракат қилишди. Биз жамоавий ўйин ва мураббийларимизнинг кўрсатмаларини тўғри бажарганимиз эвазига жиззахликларни мағлубиятга учратдик. Биринчи бўлимда ўйинимиз у қадар яхши чиқмади, иккинчи бўлимда ўйинимиз очилиб кетди. Биз бир жамоа бўлиб ҳаракат қилдик. Кейинги турларда бизни жуда ҳам қийин ўйинлар кутиб турибди. "Бунёдкор" ва "Пахтакор" жамоаларига қарши баҳс олиб борамиз. Биз фақат ғалаба қозониш учун майдонга чиқамиз", - дейди Суҳроб Нуруллоев

Жаҳонгир Сотволдиев ёзиб олди