"Мен "Барселона"нинг ўйинларини кўряпман, сабаби мен ушбу клубга қойил қоламан, мен унинг рангларини ҳимоя қилганман. "Барселона"дан миннатдорман. Месси билан деярли ҳар куни гаплашаман. "Барселона"да мени севишларини биламан", - дейди Суарес.
34 ёшли уругвайлик футболчи 2014-2020 йиллардаги фаолиятдан сўнг "Атлетико"га ўтди. Унинг Мадрид клуби билан тузган шартномаси 2022 йилнинг ёзига қадар мўлжалланган.
"Атлетико" айни дамда Ла Лигада 28 турдан сўнг 66 очко жамғарган ҳолда 1-ўринда бормоқда. "Барселона" эса 4 очко кам тўплаб 2-ўринда.
