Стефано Пиоли: “Интер” биринчи бўлимда яхшироқ ва самаралироқ ўйнади, биз эса улар шундай ўйнашга имкон яратиб бердик"

“Интер” биринчи бўлимда яхшироқ ўйнади ва иккита гол урди, “Милан” иккинчи бўлимда яхшироқ ўйнади ва гол ура олмади. Бу футбол. “Интер” биринчи бўлимда яхшироқ ва самаралироқ ўйнади, биз эса улар шундай ўйнашга имкон яратиб бердик. 

Еттинчи дақиқагача “Интер” бизнинг жарима майдончамизга ҳам кирмади, кейин эса биринчи бурчакдан кейин гол урди. Шубҳасиз, биз ушбу вазиятда яхшироқ ҳаракат қилишимиз лозим эди. Биз бугунги учрашувда бошқача натижага эришмоқчи эдик, аммо бугунги натижага қарамасдан биз ишонишда давом этамиз. Чунки иккинчи ўйинда барчаси бошқача бўлиши мумкин.

 Биз тажовузкор бўлишни мақсад қилгандик, лекин бугун “Интер” кўп 50-50 вазиятларда яхшироқ ҳаракат қилди ва бу уларга ўйинни назорат қилишига ёрдам берди. Шунингдек, улар дастлабки иккита вазиятдан унумли фойдаланди, бу эса бизга янада қийинчиликларни келтирди. 

Иккинчи бўлимда имкониятларимиз бўлди, табиийки, иккинчи ўйинда ҳам тажовузкор бўлишимиз керак. Йигитлар бу биз кутган ўйин ва натижа эмаслигини яхши билишади, ҳафсаласи пир бўлди, лекин бизда вазиятни ўзгартириш имконияти борлигини билишади. 

Леау? Кўрамиз. У бугун майдонга тушадиган ҳолатда эмас эди, олти кун қолди ва у тайёр бўлади деб умид қиламиз”, — дея гапини якунлади Пиоли.