Срна Манчестерда малака оширди

Пеп Гвардиоланинг иш услуби билан яқиндан танишган “Шахтёр” ёрдамчи мураббийи ўзининг Инстаграмдаги саҳифасида “шаҳарликлар”га миннатдорчилик билдирди.

“Ҳурматли дўстлар, меҳмондорчилик учун раҳмат. Сизлар билан вақтимни мазмунли ўтказганимдан мамнунман. Дунёнинг энг кучли мураббийи ва унинг ажойиб жамоасида таҳсил олиш мен учун катта тажриба мактаби бўлди. Омад, “Манчестер Сити”, дея пост қолдирди Срна ўз саҳифасида.

Срна 2019 йил ёзида футболчилик фаолиятини якунлаб, “Шахтёр”нинг янги бош мураббийи Луиш Каштруга ёрдамчи вазифасида ишлаб келмоқда.

Украина Премьер лигасининг 18-туридан кейин “кончилар” турнир жадвалида Киевнинг “Динамо”сини 14 очко ортда қолдириб, якка пешқадамлик қилишмоқда.