"Спартак" - "Севилья" баҳсининг энг арзон чиптаси 1500 рубль туради

Ўйинни стадиондан кўрмоқчи бўлганлар энг арзон чиптани 1,5 минг рублга, энг қимматини 30 минг рублга харид қилишлари мумкин.

Сотувнинг илк икки босқичида - 29 август-10 сентябрь ва 11-13 сентябрь кунлари - чипталарни Россия чемпионати учрашувлари учун абонементга эга бўлганлар харид қилиши мумкин. Ҳар бир мухлис иккитадан ортиқ чипта сотиб ололмайди. Учинчи босқичда (14-16 сентябрь) мухлислар картасига эга бўлганлар билет харид қилиш имкониятига эга бўлади, аммо фақат биттадан. Тўртинчи босқичда (17 сентябрь-17 октябрь) чипталарни онлайн-сотувдан харид қилиш мумкин (барча мухлислар учун). Бешинчи босқичда (15-17 октябрь) чипталар стадион кассаларида сотилади. Бир кишига биттадан ортиқ чипта сотилмайди.