Спалетти: “Наполи”да характер йўқ деганлар, шу гапни ҳозир айтишсин”

Бу ҳақда неаполликлар устози Лучано Спалетти фикр билдирди.

“2-бўлимда яхши футбол кўрсатдик. Педронинг мўжизавий голи уларга ҳисобни тенглаштиришга имкон яратди, лекин унгача бизда кўп вазиятлар юзага келди, ҳисобга олинмаган гол, тўпни чизиқдан олиб чиқиш...

Албатта, бу жамоада характер бор. “Кальяри” билан дуранг яхши натижа эмаслигини айтишди, аммо бугун сардинияликлар сафарда “Торино”дан устун келди.

“Камп Ноу”даги ижобий натижадан кейин “Барселона”га ютқаздик ва бу менинг айбим туфайли, чунки тактикани мен танлагандим.

Жамоа атрофидаги ёмон муҳитни ҳис қиляпман. Одамлар бизга характер етишмаётгани ҳақида айтишмоқда. Улар буни ҳозир айта қолишсин.

Олдинда ҳали кўп ўйинлар бор, аммо жамоамиз бугунгидек салоҳият ва характерга эга”, дейди Спалетти.