Спалетти: “Интер”да яна 100 йил қолишга тайёрман”

“Интер” биринчи бўлимда ўйни тизгинини ўзида сақлаб турди, аммо гол уриш осон иш эмас. Иккинчи бўлимда “Ювентус” агрессив кўринди, биз жуда кўп вазиятларда тўп йўқотдик. Рақиб эркин ҳаракатланиши учун бор кучини ишга солди ва ўйинни бошқаришга уринди.

Ҳар иккала жамоа ғалаба қозонишни истади, қизиқарли ўйин бўлди. Ҳимоя – бизнинг кучсиз жиҳатимиз. “Интер” доим олдинга интилиши шарт. Биз ғалаба қозонишимиз мумкин эди, аммо ўйин охирида дурангдан ҳам қуруқ қолишимиз мумкин эди. Ҳали ҳамон жамоага баланс ва томошабоплик етишмаяпти.

Менинг келажагим? Буни клуб ҳал қилади. Мен хурсандчилик билан яна 100 йил “Интер”да қолардим, аммо клуб раҳбарияти клуб учун энг тўғри қарорни қабул қилади”, дея Спалеттининг сўзларидан иқтибос келтирмоқда Sky Sport Italia.