UZ

Сўнгги янгиликлар

02:05ЕЧЛ. ПСЖ "Байер"га 7 та, ПСВ "Наполи"га 6 та гол урди. "Ньюкасл" "Бенфика"ни йирик ҳисобда таслим этди  14 02:00ЕЧЛ. "Манчестер Сити" меҳмонда "Вильярреал"ни мағлубиятга учратди. Ҳусанов бу учрашувда иштирок этмади  4 01:55ЕЧЛ. "Арсенал" Лондонда "Атлетико"ни йирик ҳисобда таслим этди  10 01:38Расман: "Барса" ва "Вильярреал"нинг Майамидаги ўйини бекор қилинди  3 00:45Рўзиқул Бердиев: "Ҳужумда ҳам, ҳимояда ҳам режаларимиз ўхшамади"  15 00:17Куртуа: "Ҳакамлар "Реал"га ёрдам берганини ҳеч қачон кўрмаганман"  26 23:40ЕЧЛ. "Барселона" "Эл Класико"дан аввал "Олимпиакос"ни йирик ҳисобда таслим этди  50 23:00Элит ОЧЛ. "Насаф" меҳмонда "Шабаб Ал Аҳли"га йирик ҳисобда мағлуб бўлди  251 22:37"Реал" КОНКАКАФга Ла Лига ўйинини ўтказишга рухсат бермасликни сўраб мурожаат қилди  2 22:02Хаби Алонсо: "Арда Гюлер – Ўзил ва Гутининг аралашмаси"  0 21:18"Ал Ҳалдия" бош мураббийи Али Ашур: "Андижон" ушбу мусобақада гол ўтказиб юбормади"  4 20:48"Бавария" Нойер билан шартномани узайтиришни режалаштирмоқда, Нюбель эса сотиб юборилади  0 19:58Жиру: "Лига 1 А Сериядан ортда эмас"  6 19:30Шмейхель: "Нега Хойлунд ва Мактоминей "Наполи"да?"  9 19:02Максим Шацких: "Рақибни ўрганиб чиқдик. Фикримча, "Ал Ҳалдия" Қатар клубидан кучлироқ"  20

Сояда қолган "қаҳрамон" Янгиликлар

Сояда қолган "қаҳрамон"

А Серия деганда кўпчилик мухлислар "Ювентус", "Интер", "Милан", "Наполи" "Рома" ва Шомуродовни ёдга олади.

Аксарият юртдошларимиз айнан шу жамоалар ўйинларини кузатиб боради ва мухлислик қилади. 

Ортда қолган дам олиш кунларида ҳам томошабинлар "Челси"дан еттита, "Бавария"дан тўртта гол, "Эл Класико", "Манчестер Юнайтед" - "Ливерпуль"дан ортишмади. 

Бироқ шонли тарихга эга А Сериянинг бошқа жамоалари, сояда қолиб кетаётган қаҳрамонлари ҳам эътиборга лойиқ. Шундайлардан бири "Верона" ва Симеоне. Жамоа чемпионатнинг қаторасига олти учрашувида камида 2 тадан гол урмоқда. Бунақаси 2013 йилдан буён бўлмаганди.

Бу турда Игор Тудор бошчилигидаги жамоа стабиллик етишмаётган "Лацио"ни енгди – римликлар "Интер" устидан (3:1) ғалаба қозонгач, "Маркантонио Бентегоди" ўйингоҳида 1:4 ҳисобида мағлубиятга учради.

Тўртта голни ҳаммасини Жованни Симеоне урди. Бунгача фаолиятининг етти йилида у фақат бир марта хет-трик қайд этганди – 2018 йил "Наполи" билан ўйинда. Қизиғи, ўшанда ҳам рақиб ("Наполи")ни Маурицио Сарри бош мураббийи эди.

Симеоненинг айтишича, Вальтер Дзенга фаолиятидаги энг муҳим ўринга эга мураббийлардан бири. "Мен доим кўп югурардим, жуда кўп. Дзенга мен рақибларни югуриб ўтиб, ортда қолдиришга уринишим эмас – улардан олдинда бўлиб, тўпни кутишим зарурлигини тушунтирди. Тўғрисини айтсам, ўша пайтларда у мендан нима хоҳлаётганини, қандай ҳаракат қилишим кераклигини тушунмасдим. Дзенга менга қувватимни тўғри тақсимлашни, майдон бўйлаб тўғри ҳаракатланишни, оёқларимдаги кучдан унумли фойдаланишни ўргатди. Асосийси – сон эмас, сифат. Отам ҳам доим шуни айтарди. У менга "Атлетико" машғулотлари видеоларини жўнатарди ва унинг ҳужумлари қандай ҳаракат қилаётганини кўрардим. Натижада ўзим учун хулоса чиқардим.

Диего Коста ва Мората "Атлетико" сафида ўйнаган даврда доим тўғри йўналишда югурарди – майдон марказидан тўғри жарима майдончасига. Улар қанотларга кетиб қолмасди, қанот ҳимоячиларига прессинг уюштирмасди – фақат марказий ҳимоячиларга босим. Улар кучларини тежарди".

Бошқа муҳим паллалар – ўйинларга тайёргарлик кўриш ва медитация

"Мен ўйинларимни таҳлил қиламан, хатоларим устида ишлаб, уларни такрорламасликка ҳаракат қиламан. Рақиб ўйинларини кўраман, ҳимоячилар қандай ҳаракат қилиши ва уларнинг алоҳида жиҳатларини ён дафтаримга ёзиб оламан. Ҳар бир ўйин учун янги усул, қарорлар топишга уринаман. Жамоамизнинг дарвозабонлар мураббийи билан мунтазам равишда суҳбатлашаман – у рақибларнинг заиф томонлари ҳақида маслаҳатлар беради. Албатта, мен доим мистернинг кўрсатмаларини тўлиқ бажаришга ҳаракат қиламан, бироқ шу билан бирга уларга қўшимчалар қилишга ҳаракат қиламан.

Ҳар куни медитацияга мурожаат қиламан. Бу ўзимни бўш қўйишга ва диққатни жамлашга ёрдам беради. Ўйинлар вақтида хатоларни ўйлаб ўтирмайман, диққатимни жамлаб, кейинги вазиятга эътибор қаратишга интиламан.


Нозима Зарипова тайёрлади

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика