Смольников: "Чичарито - good player, Криштиану Роналду эса - best of the best"

"Яхши тайёргарлик кўрдик, аммо ҳаммасини расмий учрашувларда кўрамиз. Назорат ўйинларини яхши даражада ўтказдик, шу сабабли жамоадаги кайфият яхши. Бундай катта турнир ҳаётда бир маротаба бўлади. Юкламаларни камайтирдик, барча йигитлар ўзини яхши ҳис қилишмоқда. Санкт-Петербургдаги стадионимизда ўйнаш мен учун ёқимли. Бу стадион бизга омад келтиради деб ўйлайман. Чим ҳақида гапиришдан фойда йўқ, чунки уни ўзгартиришди. Головин бу турнирда кучлироқ футболчига айланадими? Саша ўзини кўрсатиши учун унда ҳамма нарса етарли. Унга омад тилайман ва топ-жамоага ўтишини истайман.

Португалия ҳақида Янги Зеландиядан сўнг ўйлай бошлаймиз. Португалия ва Мексика ҳақида қандай фикрдаман? Very strong (жуда кучли). Улар кучли рақиб, ҳар бир ўйинга максимал даражада тайёр бўлишимиз керак. Чичарито - good player (яхши футболчи), Криштиану Роналду эса - best of the best (энг зўрларнинг зўри). Уларга қарши ўйнашни истайман. Ўз олдимизга максимал вазифа қўямиз, очилиш учрашувида эса ғалабани хоҳлаймиз" - дейди Смольников.