Славче Войнески: "Хатоларни эътиборни йўқотганимиз билан изоҳлаган бўлардим"
08 апр 2022 00:42
Янгиликлар

Славче Войнески: "Хатоларни эътиборни йўқотганимиз билан изоҳлаган бўлардим"

ОЧЛ 1-турида "Сепахон"дан учралган мағлубиятдан сўнг (1:3) "Пахтакор" бош мураббийи Славче Войнески ўйин ҳақидаги фикрлари билан ўртоқлашди.

"Ўйинни иккига бўлган бўлардим. Биринчи бўлимда ўйинни назорат қилдик, гол урдик, яхши ҳаракатландик. Бироқ иккинчи бўлимда стандарт ҳолатлардан кейин икки марта қўпол хато қилдик ва ҳисобда ортда қола бошладик. Кейин олдинга ташланиб, учинчи голни ўтказдик.
Руҳий ва жисмоний тайёргарлик ёнма-ён юради. Хатоларни эътиборни йўқотганимиз билан изоҳлаган бўлардим. Бу бизга қимматга тушди. Йигитлар охиригача курашишди, бунинг учун уларга раҳмат.
"Ал Таъавун" билан осон бўлмайди. Гуруҳда барча беллашув оғир кечади, буни ўйиндан олдин ҳам айтиб ўтгандим. Яхши савияли жамоалар жамланган гуруҳдан жой олганмиз", -дейди Славче Войнески.

Ҳавола :

Манба : "Пахтакор" клуби матбуот хизмати

Янгиликларни Телеграмда ўқинг!

Рейтинг: -46