Уругвайлик футболчининг Мадрид клуби билан шартнома имзолашга тайёр бўлгани сабаби "Атлетико" бош мураббийи Диего Симеонедир.
Биринчидан, "Атлетико" юқори молиявий ҳаражатлар сабаб Суарес билан алоқага чиқмоқчи эмас эди, аммо айнан Симеоненинг ўзи 33 ёшли футболчи билан шартнома имзолашни талаб қилди. Иккинчидан, у ўйинчини Мадрид клубига ўтишга кўндира олар эди.
Қайд этиш керакки, Симеоне Суаресни қадрлайди. У Суаресни "Ювентус"га кетаётган Моратадан кўра жамоага яхшироқ мослашишига ишонади.
Эслатиб ўтамиз, Суарес "Атлетико" билан 9 миллион евролик маош билан 2 йиллик шартнома имзолайди, у тез орада "Барселона"дан текинга кетади.
