Симеоне: "Гризманн майдонга тушганида жамоанинг ўйини яхшиланяпти"

"Барселона"дан ижарага олинган франциялик ҳужумчи учун "матрасчилар" компенсация пулини тўламоқчи эмас, шу сабабли бош мураббий уни 60-дақиқадан кейин ўйинга ташламоқда.

"У майдонга тушганидан кейин жамоанинг ўйини яхшиланяпти. Жамоа у билан бирга бўлаётгани захоти бизнинг ўйинимизда позитивлик ошмоқда, бу рост. Гризманни яхши кўраман. У урилган голлари ҳисобига ҳам "Атлетико" учун муҳим футболчилардан бири ҳисобланади.

Антуан ишлашда, ривожланишда давом этяпти. У 32 дақиқами, 36 ёки 15 - жамоа учун борини беряпти. Ҳақиқат шундай - у 30 дақиқада яхши футбол кўрсатяпти. Агарда у 60 дақиқа ўйнаса, билмадим, нималар бўлиб кетиши мумкин", - деди Симеоне.