Симеоне: "Атлетико" ҳали Чемпионлар Лигасини кафолатламади"
09 май 2022 11:25
Янгиликлар

Симеоне: "Атлетико" ҳали Чемпионлар Лигасини кафолатламади"

Теглар : Реал Атлетико Ла Лига Диего Симеоне

"Атлетико" бош мураббийи Диего Симеоне "Реал" (1:0)га қарши Ла Лига 35-тур доирасидаги ўйиндан сўнг жамоа ҳали ЧЛ 2022/23 йилги мавсумдаги иштирокини кафолатламаганини қайд этди.

"Ҳали бизга ҳеч нарса кафолатланмаган - олдинда яна учта қийин рақиб бор. Бизда кўпроқ гол уриш учун етарли имкониятлар бўлди, аммо бу амалга ошмади. Биз мавсумни яхшироқ якунлашимиз керак. Йил барқарор ўтмади, аммо мухлислар бизни доим қўллаб-қувватлашди. Бу жуда ажойиб. Бизда улар олдида охиригача масъулият бор", - дейди Симеоне.

"Атлетико" 64 очкога эга ва Чемпионлар Лигасидаги иштирокни таъминлайдиган тўртинчи ўринни эгаллаб турибди.

Финишга уч тур қолганда "Бетис" (58 очко) бешинчи ўринда бормоқда.

Ҳавола :

Манба : Marca

Янгиликларни Телеграмда ўқинг!

Рейтинг: