Симэн: "Виейра билан машғулотда келишолмай қолганимиздан сўнг у мен билан икки ҳафта гаплашмаган"
29 авг 2018 19:43
Янгиликлар

Симэн: "Виейра билан машғулотда келишолмай қолганимиздан сўнг у мен билан икки ҳафта гаплашмаган"

"Арсенал" собиқ дарвозабони Дэвид Симэн сўзларига кўра, франциялик ярим ҳимоячи Патрик Вийера "тўпчилар"нинг машғулотидан сўнг ундан хафа бўлгани ҳақида айтиб берди.

"Бир марта Патрик Виейра билан машғулотда келиша олмай қолганмиз. Машғулот "8га8" форматида ўтган эди. Ҳар сафар тўпни қабул қилганимда у мени тирсаги билан енгил туртиб қўяр эди. Аввалига кулгили туюлди, кейин зарба кучайиб борди. Ундан тўғри ўйнашни сўрадим. Кейин қанотдан узатма бўлди. У тирсаги билан бошимга зарба берди ва кўз олдим қоронғулашиб кетди.

Кейин Виейра олдига югурдим ва уни ерга йиқитдим. Уни калтакламоқчи эдим, аммо ўзимга келиб, фикримдан қайтдим. Бироқ унинг тешанасига енгил тарсаки тушурдим ва Виейра бундан ғазабланди. Шундан сўнг у икки ҳафта мен билан гаплашмади.

Венгер даврида машғулотдаги ўртоқлик ўйинлари қўпол ўтар эди. Арсен Венгер машғулотдан келиб чиқиб таркиб танлашини яхши билардик" - дейди Симэн.

Ҳавола :

Манба : The Alan Brazil

Янгиликларни Телеграмда ўқинг!

Рейтинг: +6