Шуҳрат Пўлатов: “Бундай шоуларнинг масъулияти катта”

- Бугун қизиқарли ўйинлардан бирига гувоҳ бўлдик. Беллашувда дўстлик ғалаба қозонди. Пенальтилар серияси бу – лоторея. Бугун қайси тараф ғалаба қозонган бўлишидан қатъий назар, ҳаммага раҳмат! Хусусан, Азамат Абдураимов ва Равшан Эрматовнинг дўстларига, “Ўзбекистон” спорт мажмуасига ташриф буюрган ишқибозларга миннатдорчилик билдираман! Эшитишимга қараганда, бугунгидек тадбир анъанага айланар экан. Яъни, Хиросима майдонларида қаҳрамонлик кўрсатган юлдузларимиз ўзининг 50 ёшлик юбилей тўйларини худди шу тарзда ўтказишни режалаштиришибди. Улуғбек Рўзимов, Абдусамад Дўрмонов шулар жумласига киради. Бундай тадбирларнинг фойдаси катта. Сабаби, фахрийларимиз бу каби ўйинлар орқали ёшларга ҳар жиҳатдан ўрнак бўлишлари мумкин. Шоу бўлгани билан бундай ўйинларнинг масъулияти оғир. Боиси, шоу табдирни биргина нотўғри қарор билан “бузиб” қўймаслик керак. Қаерда ва қачон хуштак чалиш кераклигини унутмаслик лозим, - дейди Шуҳрат Пўлатов.