UZ

Сўнгги янгиликлар

12:22"Фенербахче" Эдерсоннинг трансфери устида ишламоқда. "Ман Сити" дарвозабонни "Галатасарой"га 10 млн еврога сотмади  0 11:58Меҳди Таремининг янги клуби маълум  0 11:31Аканжи "Милан"нинг шартларини қабул қилмаяпти, "Сити" ҳимоячиси EЧЛда ўйнашни истамоқда  0 10:31Германияга етиб борган Жексоннинг "Бавария"га ўтиши бекор бўлди. Нега?  3 10:00Салоҳ АПЛ чемпионлигига асосий даъвогар жамоа номини айтди  8 09:32Украиналик футболчи учун курашда "Бенфика" ютиб чиқди  1 08:40Бухорога Суперлига ўйинларини қайтариш ҳаракати бошланди  7 08:17Sofascore. Захирадан майдонга тушган Ўринбоев энг катта баҳолардан бирини олди  5 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  3 07:25"Ал Иттиҳод" мавсумни йирик ғалаба билан бошлади. Бенземадан хет-трик  2 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  27 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4

Шуҳрат Муҳаммадиев: "Локомотив"га чемпион бўлиш учун келдим" Янгиликлар

Шуҳрат Муҳаммадиев: "Локомотив"га чемпион бўлиш учун келдим"

Тошкентнинг "Локомотив" жамоаси футболчисига айланган Шуҳрат Муҳаммадиев сайтимизга эксклюзив интервью берди.


"Насаф" жамоасининг собиқ футболчиси "Локомотив"га катта мақсадлар билан келганини таъкидлади.


- Аввало "Насаф" клуби раҳбариятига, жамоадаги барча мураббий ва ишчи ходимларга ўз миннатдорчилигимни билдираман. "Насаф" билан дўстона руҳда, ака-ука бўлиб хайрлашдик. Жамоа бош мураббийи Рўзиқул Бердиев, ёрдамчи мураббий Шуҳрат Тошпўлатов, Денис Иванков, Илнур Сибагатуллин ва жамоа шифокорлари, маъмурларга раҳмат деб қоламан.

Жамоанинг ашаддий мухлислари, ишқибозларига катта раҳмат айтаман. Улар доимо жамоамизни, хусусан мени фаоллик билан кўллаб-қувватлашган. Улардан ҳеч қачон ёмон сўз ёки ҳақоратли гаплар эшитмаганман. Уларга катта раҳмат дейман. "Насаф"га эса ОЧЛда омад ёр бўлишини тилайман. Кун келиб албатта яна "Насаф"га қайтаман, деб ўйлайман. Ҳар ҳолда "Насаф"нинг эшиклари мен учун очиқ.

"Локомотив"га қандай келиб қолдим? Клуб раҳбарияти мени "Локомотив"да ўйнашимни хоҳлади ва буни ўзим ҳам истадим. Ниҳоят ушбу келишув амалга ошди ва мен "Локомотив" футболчисига айландим. Бу жамоа ўз олдига юқори мақсад ва вазифаларни қўяди. "Локомотив"га ўтишимга яна бир сабаб, мен чемпион бўлишни истайман. "Локо" эса биласиз чемпионатда олтин медаллар учун курашади. Бу жамоа билан ушбу ниятимга эришаман, деб умид қиламан.

"Насаф"даги дўстларимни соғинаман. Улар билан яна бир жамоада ўйнашни истардим. Лекин "Локомотив"да ҳам қадрдон дўстлар йўқ эмас. Масалан Ислом Тўхтахўжаев, Бобур Йўлдошев, Сардор Мирзаев, Шерзод Файзиев каби футболчилар билан дўстмиз. Шунингдек, клуб матбуот хизмати раҳбари Хайрулла Холиқов билан ҳам "Машъал"даги фаолиятим орқали ака-ука бўлиб кетганмиз. Албатта Хайрулла акани бу ерда учратиш ёқимли бўлди. "Локомотив"да ажойиб муҳит яратилганига бугун гувоҳ бўлдим. Мени янги жамоада жуда илиқ кутиб олишди.

Ўйлайманки, жамоа билан янги мавсумда ички чемпионатда ҳам, ОЧЛда ҳам муваффақиятли иштирок этамиз. Мен жамоага наф келтириш учун боримни сарфлайман.

Расман: Шуҳрат Муҳаммадиев "Насаф"дан кетди...

«Локомотив» Шуҳрат Муҳаммадиев ва Диёр Туропов билан шартнома имзолади

Рейтинг: +15   

Фикрлар

championat.asia
< сўнгги янгиликларни кўриш
Яндекс.Метрика