"O'yin yaxshi bo'ldi. Har ikki jamoa oxirigacha kurash olib bordi. Bilasiz, Kubok o'yini chempionat bahslaridan farq qiladi. Biz birinchi taymda biroz bo'sh harakat qildik, lekin ikkinchi bo'limda vaziyatni qo'lga oldik.
"Andijon" menda iliq taasurot qoldirdi. Ular ham oxirigacha harakat qilishdi. O'yindan oldin "Andijon"da futbolchilarni ruhlantirish kuchli bo'lgan ekan.
G'alaba to'pini kiritganimdan xursandman. O'sha vaziyatda omadim ham keldi hisoblayman. Himoyachi bo'lganim uchun menga ko'proq golli to'plarni uzatish yoqadi, ammo bu o'yinda o'zim ham gol urdim.
Kubok doirasida navbatdagi uchrashuvni o'z maydonimizda "Turon"ga qarshi o'tkazamiz. Mana shu bahsda ham g'alaba qozonishga harakat qilamiz", - deydi Shuhrat Muhammadiev.
