Шотландия клуби Қозоғистон терма жамоасининг икки футболчисини кузатмоқда

"Хартс" скаутлари қозоғистонлик вингерларнинг Уэльс ва Бельгияга қарши бўлажак ўйинларидаги ҳаракатларини таҳлил қилади, деб хабар берди "AS News".

Ислам Чесноков (суратда) ва Галимжан Кенжебек Шотландия клубининг диққат марказида. "Тобол"нинг 25 ёшли етакчиси трансфери деярли ҳал бўлган ва қишда ўтиш кутилаётган бўлса, "Елимай"нинг 19 ёшли иқтидори номзоди ҳали ўрганиш босқичида.

Эдинбургдагиларнинг фикрича, кучли терма жамоалар билан ўйинлар иккаласи учун ҳам жиддий синовдир.

Али Алиев шогирдлари 4 сентябрь куни ўз уйида уэльсликларга қарши майдонга тушса, 7 сентябрь куни меҳмонда бельгияликларга қарши баҳс олиб боради. Ҳар икки ўйин ЖЧ-2026 саралаши доирасида бўлиб ўтади.

Маълумот ўрнида, "Хартс" 4 турдан сўнг Шотландия Премьершипида 1-ўринда бормоқда.