Шота Арвеладзе янги мавсумдан олдин "Пахтакор"га қандай футболчилар олиб келинишини айтди

Ўйлашимча учрашув биз учун яхши ўтди. Ўйинни назорат қилдик. Ҳар уч кунда майдонга тушаётган футболчилар ғалаба қозонишди ва мавсумдаги 105-голимизни уришди. Рақибнинг ўз вазифаси бор эди, улар кучли учликка киришга ҳаракат қилишмоқда. Биз эса чемпионликка эришиб бўлдик, аммо майдонга тушиб чироли футбол кўрсатишимиз керак. Яхши кун ва яхши ғалаба бўлди.

- Мавсум деярли тугади, "Пахтакор"нинг энг яхши футболчиси ким бўлди сизнингча?
- Битта футболчини алоҳида кўрсатиш қийин. Сабаби бутун мавсум давомида кўплаб футболчилар яхши ўйнашмоқда. Масалан, Машарипов бу йил 40та голли пас берди. Кимдир эса шунча гол урди. Футболда пас берган ўйинчи жуда муҳим ҳисобланади.

- Тақвим ҳақида қандай фикрдасиз?
- Тўғриси ҳаммаси яхши кетаётганида тақвимга эътибор ҳам бермас экансан. Тўғриси бу ерга келиб илк бор "кўзгули" тақвимга гувоҳи бўлдим.

- Янги мавсумдан олдин қайси чизиқни кучайтирмоқчисиз?
- Ҳар бир чизиқда яхши футболчилар бўлишини хоҳлайман. Янги мавсумдан олдин бу таркибдаги футболчиларга рақобат туғдира оладиган ўйинчиларни олиб келмоқчимиз.

- Игорь Сергеев бу мавсум жуда сермҳсул ўйнамоқда...
- Агар ёдингизда бўлмаса 2017 йил иккинчи даврада 14та ўйинда 11та гол урганди ва чет элга кетганди. Игорь гол уришни билади, унда қийин даврлар бўлди, мухлислар уни қўллаб-қувватлашди.