Шота Арвеладзе: "Бизга яна уч очко керак"
01 ноя 2020 19:27
Янгиликлар

Шота Арвеладзе: "Бизга яна уч очко керак"

Суперлига 22-туридан ўрин олган АГМК - "Пахтакор" (0:6) учршувидан сўнг меҳмонлар бош мураббийи Шота Арвеладзе фикрлари билан ўртоқлашди.

"Мавсум охирида йигитлар шундай ажойиб ўйин кўрсатишгани учун раҳмат айтаман. Тезкор ҳаракатлар, комбинациялар, чиройли голлар учрашувни кўрганларга завқ бағишлади деб ўйлайман.

Олмалиқда чемпионатнинг энг кучли жамоасига қарши ўйинда бундай даражада тўп тепиш, вазиятлар яратиш осон эмас. Шу боис яна бир футболчиларимни ғалаба билан табриклайман. Жуда ҳам керакли ғалабани қўлга киритдик.

Игорь Сергеевни ҳам 100-голини ургани билан табриклайман. Мухлислардан стадионларга ташриф буюришни ва бизга мухлислик қилишларини сўраб қоламан. Жорий йилда чемпионликни тантана қилишимиз учун бизга яна уч очко керак",- дейди Шота Арвеладзе.

- "Рубин" жамоасидаги грузиялик Хвича Кварацхелиянинг ўйини ҳақида нима дея оласиз?

- "Рубин" жамоасида бир нечта иқтидорли, терма жамоа даражасидаги футболчилар бор. Шунингдек юқори даражага чиқиши кутилаётган ёшлар ҳам етарли.

Ҳавола :

Манба : championat.asia

Янгиликларни Телеграмда ўқинг!

Рейтинг: +12