UZ

Сўнгги янгиликлар

08:00Гвардиола кечаги дурангдан сўнг Ҳусанов ҳақида фикр билдирди  0 07:32Суперлига. Бугун 2-тур учрашувлари якунланади  1 02:18Саудия Арабистони чемпионати. "Ал Фейха" меҳмонда "Ал Иттифоқ"ни мағлуб этди, Шукуров танаффусда алмаштирилди  1 01:25"Тоттенхем" Тимо Вернерга қизиқиш билдирмаяпти. Футболчи МЛСга йўл олиши мумкин  0 00:54"Ливерпуль" Хулиан Альваресни қандай қўлга киритиш режасини ўйлаб топди  5 00:27Бундеслига. "Лейпциг" ўз уйида "Боруссия Дортмунд"ни мағлуб этди ва ЕЧЛ ҳудудига максимал яқинлашиб олди  0 00:23Ла Лига. Мбаппенинг дубли "Реал"га меҳмонда "Вильярреал"да қарши ўйиндаги ғалабани тақдим этди  24 00:05А Серия. "Милан" ўз уйида "Комо"га қарши иродали ғалабага эришди  3 23:35Суперлига. "Бунёдкор" ва "Динамо" ғалаба қозонди, "Насаф" Андижонда дуранг ўйнади  5 23:30АПЛ. Ҳусанов автогол урган ўйинда "Манчестер Сити" "Брайтон" билан дуранг ўйнади  20 23:23"Арсенал" Нико Уильямс билан мулоқот қилмоқда. "Атлетик" вингерига "Бавария" ҳам бефарқ эмас  0 23:01Асрор Алиқулов: "Биз Суперлигада энг кам сметага эга бўлган клубмиз, бироқ..."  3 22:40Александр Хомяков: "Бугун жангвор дуранг бўлди деб ҳисоблайман"  6 22:22Рўзиқул Бердиев: "Бундай муҳитда ўйнаш ҳар бир жамоа учун ёқимли"  11 22:15"Динамо" "Машъал"ни минимал ҳисобда мағлуб этди  9

"Шўртан": 13 нафар футболчи жамоа билан бирга эмас Янгиликлар

"Шўртан": 13 нафар футболчи жамоа билан бирга эмас

Ғузорнинг "Шўртан" жамоаси бу йилги мавсумда сира ҳам ўзига ўхшамаяпти.
Бошидан молиявий қийинчиликларни ўтказаётган клуб турнир жадвалида аутсайдерлар қаторига тушиб қолди. Биринчи даврани 13-ўринда тугатган жамоа куни кеча йиғинни бошлади. Аниқроғи, мураббийлар штаби 11 июль куни футболчиларни Ғузорда йиғди. Моддий томондан анча қийналиб қолган клубни биринчи давра ўйинлари ниҳоясига етгач етакчи футболчилар бир кетин тарк этмоқда.

Жамоа бош мураббийи Зоир Тўрақуловни ҳам айнан ушбу йўқотишлар ҳозир бироз ўйга толдираётган бўлса ажаб эмас. Боиси биринчи даврада жамоа шарафини ҳимоя қилган барча футболчилар ҳануз жамоа йиғинига етиб келишмаган. Фақатгина Асрор Алиқулов, Ботир Қодирқулов, Зоҳид Раупов, Александр Востриков ҳамда Аббос Омонов каби ўйинчилар қолган холос. Ушбу беш нафар асосий таркиб футболчилари билан бирга ёшлар жамоасидаги кўплаб ўйинчилар машғулотларда иштирок этмоқда.

Жамоа таркибига ҳозирча янги келиб қўшилган ўйинчилар йўқ. Ёдингизда бўлса, "Шўртан" литвалик посбон Павел Леус билан хайрлашишга қарор қилганди. Асосий дарвозабон Александр Корнейчук ҳам бугунги кунда жамоа билан бирга эмас. Шундай экан, ёшлар жамоасидаги дарвозабонларга ўзларини кўрсатиш учун имконият туғилди деса бўлади.

Юқорида атиб ўтганимиздек, "Шўртан" йиғинни катта йўқотишлар билан бошлади. Жамоа шарафини биринчи даврада ҳимоя қилган Александр Корнейчук, Павел Леус, Шукур Жумабоев, Иброҳим Отахонов, Шавкат Раимқулов, Ярослав Крушелницкий, Обид Жўрабоев, Дилявер Абибуллаев, Вячеслав Пономарёв, Павел Соломин, Артурас Фоменко, Азиз Мансуров, Жамол Отақулов бугунги кунда жамоа билан бирга эмас.

Бундан кўриниб турибдики, "Шўртан" бугунги кунга келиб катта зарбага дуч келди. Шу боис бош мураббий олдида жуда катта ташвиш пайдо бўлди. Тан олиш керак, ҳозирги вазиятда жамоага номдор ижрочиларни олиб келиш ҳам мураккаб. Воқеалар ривожини кузатамиз.

Исломбек Рустамбеков
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика