Шоҳруҳ Ишанов супер камбэкдан кейин: "Барчани табриклайман"

"Бугунги ғалаба билан бутун Андижон халқини ва клубимиз мухлисларимизни табриклайман. Шогирдларимни, мураббийлар штаби ва раҳбариятни табриклайман. Бу узоқ кутилган ғалаба эди. "Шўртан" билан баҳсга жиддий тайёрландик, ўйин осон кечгани йўқ, бошида ўз хатоларимиз туфайли иккита тезкор гол ўтказиб юбордик. "Шўртан" таниқли жамоа ва ўз ўйин услубига эга. Бугун стадионга келиб бизни қўллаб-қувватлаб турган қўқонлик мухлисларга ҳам катта раҳмат айтаман", - деди Ишанов. 

- Жамоа ҳимоячилари кўп хатога йўл қўйишмоқда. Бунинг устида ишлаш керак деб ўйлайман.
- Албатта, ҳар бир ўйинда ҳимояда ҳам, ҳужумда ҳам хатолар бўлмоқда. Вазиятлардан фойдаланишга қийналяпмиз, кейинги ўйингача вақтимиз бор. Мураббийлар штаби билан камчиликлар устида ишлаймиз. Бугунги баҳс жуда ажойиб ўтди. Учрашув вақтида ҳам йигитларга машғулотда бажарган ишимизни бажарайлик дедим ва бу амалга ошди. 0:2ни 3:2 қилиш бу кучли характер орқали бўлади.