Шоҳруҳ Ишанов: "Жамоамиз асосини 2005-2006 йилларда туғилган футболчилар ташкил этади"
04 фев 2023 18:15
Янгиликлар

Шоҳруҳ Ишанов: "Жамоамиз асосини 2005-2006 йилларда туғилган футболчилар ташкил этади"

Фарғонада бўлиб ўтган "Ҳоким кубоги-2023" мусобақасининг финал учрашувидан сўнг "Андижон-SGS" жамоаси бош мураббийи Шоҳруҳ Ишанов сайтимизга интервью берди.

"Ушбу мусобақада иккинчи бор иштирок этаяпмиз. Ўтган мавсумда ҳам ёш таркибимиз билан ушбу мусобақада қатнашгандик. Жамоамиз ҳақида айтадиган бўлсам, асосан 2005-2006 йилларда туғилган футболчилар таркибнинг асосини ташкил этади. Шунингдек, ҳозирда 5-6 нафар тажрибали футболчини ҳам таркибимизга жалб этдик.

Ўтган мавсум Биринчи лигада ўйнадик ва якунда Про лига йўлланмасини қўлга киритдик. "Ҳоким кубоги" нуфузли турнир, ушбу мусобақада 2-ўринни жамоамизнинг ёш йигитларига мотивация бўлади. Ташкилотчиларга раҳмат, барча ўйинлар профессионал даражада ўтказилди.

Бугунги финал учрашуви якунида ташкил этилган тақдирлаш маросимида жамоамизнинг ёш футболчиларига бир қатор эсдалик совғалари топширилди. Биз ушбу мусобақада иштирок этганимиздан хурсандмиз", – деди "Андижон SGS” бош мураббийи.

Бекзод Толибов ёзиб олди

Ҳавола :

Манба : championat.asia

Янгиликларни Телеграмда ўқинг!

Рейтинг: +4