Шерзод Файзиев: “Локомотив” йиғинида бўлганим рост. Аммо...”
04 янв 2016 18:28
Янгиликлар

Шерзод Файзиев: “Локомотив” йиғинида бўлганим рост. Аммо...”

Муборакнинг “Машъал” клуби тарбияланувчиси Шерзод Файзиевга олий лиганинг айрим клубларидан таклифлар бўлаётгани ҳақида гап-сўзлар урчий бошлади.

Хусусан иқтидорли футболчининг яқинда “Локомотив”да эканлиги маълум бўлди. Хўш, Файзиев янги мавсумни қайси жамоада бошлайди? Бу борада билиш мақсадида унинг ўзи билан боғланганимизда, қуйидагиларни маълум қилди.

- Яширмайман мавсум якунига келиб, менга олий лиганинг айрим клубларидан таклифлар бўлди. Айнан қайсилардан эканлигини аниқ айтмай қўйганим маъқул. Инкор этмайман яқинда “Локомотив” йиғинида бўлиб, машғулотларда иштирок этдим. Мураббийларга маъқул келгандим ва 9 январь куни жамоа билан БААга жўнаб кетишга ҳозирлик кўраётгандим. Аммо сўнгги паллада раҳбарият билан айрим масалаларда келиша олмадик. Ҳозирча эркин агентман. Келгуси тақдиримни қайси жамоа билан боғлаш хусусида ўйлаб чиқяпман. Яқин орада бу борада аниқ бир тўхтамга келарман – дейди Шерзод Файзиев.

Исломбек Рустамбеков.

Ҳавола :

Манба : championat.asia

Янгиликларни Телеграмда ўқинг!

Рейтинг: