"Шериф" кетма-кет еттинчи марта мамлакат чемпиони бўлди
29 апр 2022 23:57
Янгиликлар

"Шериф" кетма-кет еттинчи марта мамлакат чемпиони бўлди

"Шериф" Молдованинг 20 карра чемпионига айланди.

Юрий Вернидуб шогирдлари мамлакат чемпионати 26-тури доирасида "Динамо-Авто" жамоасини йирик 3:0 ҳисобида мағлуб этди.

Шу орқали "Шериф" кетма-кет еттинчи марта мамлакат бош совринини қўлга киритмоқда. "Шериф" Молдованинг энг совриндор жамоаси ҳисобланади. Кейинги ўринда 8 карра чемпион "Зимбру" турибди.

Эслатиб ўтамиз, "Шерифф" таркибида ҳамюртимиз Жасур Яхшибоев ҳам ўйнамоқда. У ушбу мавсум чемпионатнинг 6 ўйинида қатнашиб, 1 гол урди.