"Шердор" ва "Динамо" жамоалари ўртасидаги назорат беллашуви "Шердор"нинг 2:1 ҳисобидаги ғалабаси билан якун топди. Ўйин "Динамо" футбол мактаби майдонида ўтказилди.
Ўйинда дастлаб "Динамо" ярим ҳимоячиси Илҳом Юнусов томонидан ҳисоб очилди. У жарима тўпидан унумли фойдаланди. Орадан сал ўтиб "Шердор" футболчиси Миржалол Локаев ҳисобни тенглаштирди.
"Шердор"га ғалаба келтирган голга эса Лазиз Нуриддинов муаллифлик қилди. У жарима тўпидан узатилган тўпни боши билан "Динамо" дарвозасига йўллаб қўйди - 2:1.
