“Шахтёр” Мудрик учун 100 млн евро сўрамоқда

21 ёшли украиналик футболчига ёзги ойнада “Брентфорд”, “Эвертон” ва “Байер” Леверкузен каби жамоалар оғиз солган эди. Бироқ унинг жорий мавсумдаги ҳаракатлари бир қатор топ-клубларнинг эътиборини тортди. “Арсенал”, “Манчестер Сити”, “Ньюкасл” ва ПСЖ айни пайтда жиддий рақобатга киришган.

Мудрик клуб вакилларининг айтишича, ўз позициясида фақат ПСЖ аъзоси Киллиан Мбаппе ва “Реал Мадрид” вингери Винисиус Жуниордан ортда. Шунинг учун унинг трансфери арзон бўлмаслиги керак, дейишмоқда улар.

Мудрик ушбу мавсумда Украина чемпионатида 10 ўйинда иштирок этиб, 5 та гол урди ва 6 асист қайд этди. У жорий мавсумда Чемпионлар Лигасида порлаган ўйинчилардан бири бўлди ва 3 гол уриб, 2 та голга ҳаммуаллифлик қилди.