Шаҳзодбек Нурматов: "Рақобат менга ёқади"

"Ўтган мавсум тугаганида "Бунёдкор"дан таклиф бўлганди. Бундан хурсанд бўлдим ва кўп ҳам ўйлаб ўтирмай розилик билдирдим. Машғулотлар қийин бўлса ҳам ўзига хос иштиёқ билан ишлай бошладим. Биринчи ўртоқлик учрашувидаёқ гол уришга муваффақ бўлдим. Дубайдаги йиғин доирасида ҳам 2та тўп киритдим. Бир сўз билан айтганда жамоада тезда киришиб кетдим".

"9 февраль куни "Ал Шабаб"га қарши муҳим ўйин кутиб турибди. Учрашув ўз майдонимизда бўлиб ўтади, уйда деворлар ҳам ёрдам беради. Мухлислар келиб қўллаб туришса албатта ғалаба қозонамиз".

"Рақобат менга ёқади. Агар рақобат бўлмаса футболчи ўсишдан тўхтайди, ўз устида ишламай қўяди. Ҳар кун машғулотда тинмай ишлаб асосий таркибга лойиқлигимни кўрсатаман".

"Металлург" жамоасида 4 йил ўйнадим. Клубга катта раҳмат айтаман, қадрдон жамоага доим омад тилайман", - дейди Шаҳзодбек Нурматов.

Нарзулла Сайдуллаев суҳбатлашди