"Шабаб Ал Аҳли" бош мураббийи: "Ҳали пойгадан чиқиб кетмадик"

"Жуда оғир учрашув бўлди. Амалдаги чемпионга қарши ҳар бир ўйин шундай ўтиши табиий ҳол. Аввалги мағлубиятни ҳам ҳисобга олсак, қолган ўйинларга ҳам жиддий ёндошишимиз кераклиги кўринмоқда.

Аламли мағлубиятга қарамай, рақибга муносиб қаршилик кўрсата олдик. Мусобақа дебютанти сифатида ҳар бир баҳсда ҳам ёмон ўйнамаяпмиз. Менга жамоамизнинг охиригача прессинг уюштираётганлиги ёқади. Бизда курашувчанлик кўпроқ. 

Менимча ҳали ҳаммаси олдинда. Гуруҳдаги барча жамоаларда имконият етарли. Асосий хатоларимизга тўхталсак, яратилаётган вазиятларда сал совуққонлик етишмаяпти. Йўлга қўйилаётган хатоларни кейинги ўйинларда қайта такрорламаслигимиз керак", - дейди аргентиналик мураббий.