Сервер Жепаров: "Жаҳон чемпионатига чиқиш учун бундан қулай имконият яна қачон бўлади билмаймиз"

Ўзбекистон терма жамоаси собиқ сардори ва бугунги кунда "Олимпик"да фаолият олиб бораётган Сервер Жепаров Жаҳон чемпионати саралаш босқичи қуръаси ҳақида фикр билдирди. 

"Фикримча, жуда яхши гуруҳга тушдик. Рақибларнинг барчаси таниш, олдин бир неча маротаба учрашганмиз. Яна бир қулай тарафи мамлакатлар ораси яқинлиги. КҲДРни ҳисобга олмаганда узоқ парвозлар йўқ. Ҳар ҳолда Австралия, Япониядан кўра яхшироқ локациялар деб ўйлайман. Куч жиҳатдан барча жамоалар тенг, лекин асосий кураш Эрон, Қатар, Ўзбекистон ўртасида кечади. Максимал очко жамғариш талаб қилинади. Очко йўқотиш керак эмас. Жаҳон чемпионатига чиқиш учун бу сафар имкониятларимиз яхшироқ. Яна қачон бундай бўлади билмаймиз. Албатта, терма жамоамизга омад тилайман. Жаҳон чемпионатида қатнашишимизга ишонаман",- дейди Сервер Жепаров.