Сергей Лушан нималар бўлаётганини тушунмаяпти
11 авг 2018 21:15
Янгиликлар

Сергей Лушан нималар бўлаётганини тушунмаяпти

Суперлига 21-турида “Сўғдиёна” ўз майдонида АГМК жамоасини қабул қилди ва 1:3 ҳисобида мағлубиятга учради.

Ўйиндан сўнг мезбонлар бош мураббийи Сергей Лушчан ва жамоа сардори Санжар Рашидов матбуот анжуманида қатнашди.

- Бирор нарсага изоҳ беришим қийин. Жуда қийин ўйин ўтказдик. Барчадан узр сўрайман. Тўғрисини айтсам нималар бўлаётганини ўзим ҳам тушунмаяпман. Рақиб 3та вазиятга эга бўлди ва барчаси гол билан якунланди. АГМКни ғалаба билан табриклайман. Ютуқ жамоаники, мағлубиятда эса доим мураббий айбдор бўлади. Ишлашда давом этамиз, - дейди Сергей Лушан.

- Бугун ғалаба қозонишни жуда хоҳлагандик. Ўйинни ҳам ёмон бошламадик. Йўл қўйган хатоларимиз қимматга тушди. Мухлислардан узр сўраймиз, - дейди Санжар Рашидов.