Eronning "Sepaxon" klubi bosh murabbiyi Xose Morais Instagramdagi sahifasida qiziqarli post qoldirdi.
Portugaliyalik mutaxassis shunday fikr bildirgan: "Bu liga uchun barchamizga ikki nafar futbolchi kerak: haqiqat va adolat".
"Sepaxon" Eron chempionatida dastlabki 5 o'yinning barchasida g'alaba qozonganiga qaramay, mamlakat futbol federatsiyasi Tartib-intizom qo'mitasi tomonidan 4 ochkodan mahrum qilingan.
Eslatib o'tamiz, "Sepaxon" ertaga Toshkentga tashrif buyuradi va 23 oktyabr kuni OCHL guruh bosqichi doirasida OKMK mehmoni bo'ladi.
