UZ

Сўнгги янгиликлар

22:45Марадона: "Жасадини кўрмагунимча унинг ўлганига ишонмайман"  0 22:30Ўтган мавсумнинг энг чиройли голи муаллифи ҳам "Сурхон"га ўтиш арафасида  13 22:19РАСМАН: "Барселона" навбатдаги трансферни эълон қилди  47 22:16Азизбек Турғунбоев сериали давом этади  46 22:12"Навбаҳор"нинг ПФЛга жавоби  7 22:03Даврон Ҳошимов ҳам "Сурхон"га ўтмоқда  76 21:55Солари Марселонинг ўйинларга тушмаётгани сабабини айтди  11 21:36Йўқ, шошманг! Сала ўтирган самолётни тажрибали парашютчи бошқарган  28 21:15Салоҳ ғалати гаплар билан интернетдаги барча аккаунтларини ўчириб ташлади  19 20:51Омар Моманидан янги карикатура: "Милан"га ўтган польшалик гангстер  8 20:24Расман: Балотелли жамоасини ўзгартирди  13 20:20Андрей Канчельскисни табриклаймиз!  13 20:17Эмери МЮ билан ўйин ҳақида: "Бу энг зўри бўлади"  12 19:50"Арсенал" Денис Суарес трансфери борасида "Барселона" билан келиша олмади  12 19:24Луис Суарес: "Ҳар бир футболчи Клопп билан ишлашни хоҳлайди"  15

Семетей Султанов: "Осиё Кубогига чиқиш биз учун катта байрам" Янгиликлар

Семетей Султанов: "Осиё Кубогига чиқиш биз учун катта байрам"

Осиё Кубогига қуръа ташлаш маросимида Қирғизистон футбол федерацияси президенти ҳам иштирок этди.

Хабарингиз бор, Қирғизистон терма жамоаси ўз тарихида биринчи марта Осиё чемпионатига чиқди ва бу билан ён қўшниларимиз катта қадам олға ташлашди. Қуръа маросими якунига етгач, мамлакат футбол федерацияси раҳбари 38 ёшли Семетей Султанов интервью беришга рози бўлди.

- Семетей Алимбаевич, авваламбор сизни ва бутун Қирғизистон мухлисларини терма жамоангиз ўз тарихида илк марта Осиё Кубогига чиққани билан табриклайман. Айтинг-чи, Осиё Кубогида ўйнаш сиз ва умуман Қирғизистон футбол федерацияси учун нимани англатади?
- Табрик учун раҳмат. Албатта, Осиё чемпионатига чиқиш биз учун катта байрам бўлди. Бунинг учун футболчиларга, мураббийларга, хуллас ким меҳнат қилган бўлса барчага ўз миннатдорчилигимни билдираман. Осиё Кубоги ҳар тўрт йилда бир ташкил қилинадиган ОФКнинг энг катта мусобақаси ва бу турнирда иштирок этиш биз учун шараф. Тўғрисини айтиш керак, жамоалар сонини 16дан 24тага етказилиши бизга катта туртки берди. Натижада саралаш ўйинларида охиригача курашдик. Шу ўринда мухлисларимизга ҳам алоҳида раҳмат айтиб қоламан, улар бизни охиригача қўллаб туришди. Мана энди бемалол мусобақанинг финал босқичига тайёргарлик кўрсак бўлади.

- Нима деб ўйлайсиз, мухлислар Осиё Кубогида терма жамоадан нимани талаб қилади?
- Мухлислар ҳамма жойда бир хил, улар фақат энг яхшисини хоҳлашади. Бизда ҳам шунақа. Футбол мухлислар учун ўйналади, шундай экан, биз ҳам қараб турмаймиз ва чемпионатда бор куч билан ўйнаймиз. Эндиликда федерация ва мураббийлар штаби ўз олдимизга юқори мақсадларни қўя оламиз. Доим юқорига қараб интилиш керак. Осиё Кубогида доим қитъанинг энг кучли жамоалари ўйнайди. Бу юқори савиядаги мусобақа. Ўйлайманки, Қирғизистон терма жамоаси қараб турмайди.

- Шу ўринда Қирғизистон жой олган гуруҳ ҳақида фикрингизни билдирсангиз?
- Қуръа натижалари ҳақида нима дейишим мумкин? Ўйлайманки, ҳаммаси яхши ўтди. Жамоалар деярли тенг гуруҳга тақсимланди. Биз жой олган гуруҳ ҳақида гапирадиган бўлсам, Жанубий Корея шубҳасиз қитъанинг етакчи футбол державаларидан бири. Бу жамоа охирги пайтларда мунтазам жаҳон чемпионатига чиқиб келмоқда ва Осиё Кубокларида фақат чемпионлик учун курашади. Хитой терма жамоаси ҳам йилдан йилга кучайяпти дея оламан. Мамлакатда футбол ривожи учун ажратилаётган маблағ космик рақамларда. Улар нимани хоҳласа шуни қилишяпти. Филиппин эса биз каби биринчи марта қитъа биринчилигида ўйнайди. Саралаш босқичида бу жамоага ўз майдонимизда ютқазиб қўйгандик. Энди бўлса гуруҳ ўйинида уларни мағлуб этишга ҳаракат қиламиз. Қуръа пайтида эронлик машҳур юлдуз Али Дайи айтди: агар сиз турнирда ғолиб бўлишни истасангиз, рақиб танламай ҳаммани ютишингиз керак. Демак, биз ҳам шунга яраша тайёргарлик кўришимиз ва имкон қадар яхшироқ иштирок этишимиз керак бўлади.

- Қуръадан олдин сизда мана шу жамоа билан битта гуруҳга тушсак яхши бўларди деган хаёл бўлдими?
- Биласизми, саралаш босқичида Мьянма билан ўйнашимиз керак эди. ОФК бу ўйинни Жанубий Кореяда ташкил этди. Биз 5:0 ҳисобида ғалаба қозондик. Жанубий Кореяга борганимизда уларнинг футбол федерацияси президенти билан кўришиб, ҳали кўрасиз битта гуруҳга тушамиз деб айтгандим. Ҳазил ҳазил билан ҳаммаси чинга айланиб кетди ва Корея билан бир гуруҳга тушиб қолдик.

- Қирғизистонда футболнинг ҳозирги ҳолати қай даражада?
- Оғир дамларни бошдан кечирган бўлишимизга қарамай, футбол секин-аста кучайяпти дея оламан. Умуман олганда, спортнинг бу тури мамлакатимизда биринчи рақамга айланмоқда. Осиё Кубогига чиққанимиздан кейин футболга қизиқувчилар сони янада ошса ажаб эмас. Шу ўринда хоҳлардимки, буёғига ҳукуматимиз молиявий томондан футбол ривожи учун катта ёрдам кўрсатса. Ишонасизми, биз Осиё Кубогига жуда кам маблағ эвазига чиқдик. Кўп қийинчиликларни кўрдик. Пул томонлама муаммолар тез-тез кўзга ташланди. Энди эса мусобақанинг финал босқичида мамлакатимиз ҳукумати ёрдамисиз ҳеч нарсага эриша олмаймиз. Шу боис давлатимиз раҳбарларидан футбол учун федерацияга ва терма жамоага ёрдам беришларини сўраб қоламан.

- Ён қўшни сифатида Ўзбекистон терма жамоаси ҳақида фикрингиз биз учун қизиқ. Бу борада нима дея оласиз?
- Ўзбекистон ОФКга қўшилганидан бери ҳар доим энг кучлилардан бири бўлиб келяпти. Албатта, қуръа пайтида Ўзбекистон жой оладиган гуруҳни ҳам кузатиб бордим. Терма жамоангиз бемалол гуруҳдан чиқа олади. Тўғри, гуруҳда Япония бор, лекин Ўзбекистон Япония билан тенгма-тенг ўйнай олади. Тан олиш керак, биз билан солиштирганда сизларда футбол анча илгарилаб кетди. Шу ўринда ўзбекистонлик футбол ишқибозларига ҳамда терма жамоангизга кейинги ўйинларда омад ёр бўлишини тилаб қоламан.

Х.Холиқов суҳбатлашди.

Рейтинг: +17   

Фикрлар

championat.asia
< сўнгги янгиликларни кўриш

Энг яхшилар

Осиё Кубоги-2019. Австралия пенальтилар сериясида Ўзбекистондан устун келди Осиё Кубоги-2019. Австралия пенальтилар сериясида Ўзбекистондан устун келди
Осиё Кубоги нимчорак финалидан ўрин олган Австралия - Ўзбекистон...  1870
Эктор Купер: "Шогирдларим билан, жамоам билан фахрланаман" Эктор Купер: "Шогирдларим билан, жамоам билан фахрланаман"
Австралия - Ўзбекистон учрашувидан кейинги матбуот анжуманида дастлаб ...  638
Эркин фикр! Осиё Кубогини ютиш керакми ёки ЖЧга тайёргарлик? Эркин фикр! Осиё Кубогини ютиш керакми ёки ЖЧга тайёргарлик?
Кўпчилик ўқувчиларнинг ичига сиғмай кетаётган гаплар учун эркин фикр...  600
Купер услуби ўзбек футболига бегона Купер услуби ўзбек футболига бегона
Ўзбекистон терма жамоаси учун жуда эрта якунланган Осиё Кубоги ва...  390
������.�������

CA ни Facebook да ўқиш
учун "Yoqdi"ни босинг