Сайтимиз асосчиларидан бири бугун бир ёшга улғайди

Бугун бир гуруҳ ҳамюртларимиз қатори championat.asia сайти асосчиларидан бири, ҳаётини футбол ва спортсиз тасаввур қила олмайдиган ажойиб инсон, раҳбаримиз Ғайрат Хасбиуллин ҳам ўз туғилган кунини нишонлаяпти.

Йўқ, у унутилмас кунни оиласи даврасида эмас, ишда, ҳамкасблар билан ўтказяпти. Чунки, айни футбол мавсуми, сайтда иш қизғин. Бир фурсат тин олишга вақт йўқ.

Ғайрат ака ҳақида жуда кўп ва хўп гапириш мумкин. Мавзу юзасидан ким билан суҳбатлашмайлик, ҳамма бирдек илиқ фикр билдиради.

2010 йилнинг октябрь ойида тест режимида иш бошлаган championat.uz сайти ўша йилнинг декабрида расман ўз фаолиятини йўлга қўйган. 2013 йилдан бошлаб эса севимли сайтингиз championat.asia дея юритила бошланган. Ғайрат Хасбиуллин илк кунларданоқ сайт ривожи йўлида қамишдан белларни маҳкам боғлаб, ишга киришган.

Фурсатдан фойдаланиб, сайтимиз раҳбари Ғайрат Хасбиуллинни бугунги унутилмас сана билан муборакбод этамиз. Бу тилакларга ҳамкасблар, катта ва аҳил коллектив қаторида сиз азиз ўқувчилар ҳам қўшиласиз деган умиддамиз.