Саудия Арабистони U-20 терма жамоаси бош мураббийи: "Вазиятларни голга айлантира олмаганимиз сабабли турнирни эрта тарк этдик"
09 мар 2023 20:28
Янгиликлар

Саудия Арабистони U-20 терма жамоаси бош мураббийи: "Вазиятларни голга айлантира олмаганимиз сабабли турнирни эрта тарк этдик"

Саудия Арабистони U-20 терма жамоаси бош мураббийи Солиҳ Алмуҳаммадий Японияга қарши кечган учрашувдан сўнг ўйин ҳақидаги фикрлари билан бўлишди.

- Ўйин ҳақида...

- Бугун яхши ўйин ўтказдик, йигитлар майдонда қониқарли ҳаракат қилишди, лекин натижага эриша олмадик. Учрашув давомида кўпгина вазият яратдик, бироқ уларни голга айлантира олмадик. Вазиятларни голга айлантира олмаганмиз сабаб турнирни эрта тарк этаяпмиз, агар Хитой билан бўлган учрашувда имкониятлардан фойдалана олганимизда, бугун кейинги босқичга йўл олган бўлардик. Иккита пенальти белгиланиши керак бўлган вазият юзага келганди, бироқ ҳакам бошқача қарор чиқарди.

- Сўнгги икки ўйинда яратилган вазиятлардан фойдалана олмаганимиз сабаб турнирни тарк этяпмиз, дедингиз. Кўпгина жамоаларнинг мураббийи ҳам шу сабабни келтиришяпти, буни қандай изоҳлайсиз?

- Футболчиларнинг ёши бунга сабаб деб ўйлайман, уларда тажриба деярли йўқ ва шу сабаб улар муҳим паллаларда ўзини йўқотиб қўйишмоқда.

- Жамоангизнинг турнирдаги иштироки ҳақида фикларингизни айтиб ўтсангиз.

- Ишонаманки, ушбу таркиб ҳали ўзини кўрсатади, бизнинг футболчилар ҳали жуда ёш ва улар ўз клубларида кам ўййн амалиётига эга бўлишмоқда, қолаверса, уларда совуққонлик йўқ. Хитой терма жамоасига мағлуб бўлганимиз бизга қимматга тушди, улар бизни яхши ўрганиб чиқишган экан. Бир қанча футболчиларимиз турнирда бизга ёрдам бера олишмади, бунга сабаб сифатида улар тўп тепадиган клубларга футболчиларга рухсат бермаганлигини келтириш мумкин.

Ҳавола :

Манба : championat.asia

Янгиликларни Телеграмда ўқинг!

Рейтинг: -1