Санжар Қувватов: "Бизнинг вазифамиз Хавидан қўрқиш эмас..."
26 фев 2018 15:29
Янгиликлар

Санжар Қувватов: "Бизнинг вазифамиз Хавидан қўрқиш эмас..."

Қаршининг "Насаф" клуби ОЧЛ гуруҳ босқичида БААнинг "Ал Васл" жамоасига қарши баҳсда кичик ҳисобда ғалаба қозонди.

"Аждарлар" гуруҳдаги навбатдаги баҳсни Қатарнинг "Ал Садд" жамоасига қарши ўтказади. Ушбу учрашувдан олдин "Насаф" жамоаси дарвозабони Санжар Қувватов ўз фикрини билдириб ўтди.

"Ал Васл"га қарши учрашувда биз тактика ва жамоадошларимда бўлган иштиёқ туфайли ғалаба қозондик. Гуруҳдаги кейинги турда Қатарнинг "Ал Садд" жамоасига қарши баҳс олиб борамиз. Хавига қарши тўп тепиш жуда ҳам ёқимли. Бизнинг вазифамиз Хавидан қўрқиш эмас, мухлисларимиз учун яхши ўйин кўрсатиш ва ғалаба қозониш. Ушбу жамоага қарши яхши тайёргарлик кўряпмиз. Олдинда бизни Фарғонада бўлиб ўтадиган "Нефтчи"га қарши ўйин кутиб турибди. Айни пайтда, кўпроқ "Нефтчи" ҳақида ўйлаяпмиз", - дейди дарвозабон Санжар Қувватов