Shu tariqa, mavsum tugashiga to'rt tur qolganida Tayn-end-Uir grafligi klubining chempionshipga tushib ketishi aniq bo'ldi.
Sanderlend 21 ochko bilan musobaqa jadvalida 20-o'rinni egallab turibdi. 17-o'rindagi Xall hisobida 34 ochko bor.
Klub to'rtinchi marta APLni tark etib Kristal Pelas va Norvichning antirekordini takrorladi.
So'nggi bor Sanderlend 2005/06 yilgi mavsumda APLdan tushib ketgandi, o'shanda 38ta o'yinda 15 ochko to'plab 20-o'rinni band etgandi.
