Самвел Бабаян: "Мухлислар орзусини рўёбга чиқаришга ҳаракат қиламиз"

Бугун муҳим кун бўлди. Гап гуруҳимиздаги рақибларнинг кучида эмас, гап бугун биз қайси жамоага қандай тайёргарлик кўришимизни аниқлаб олдик. Энди гуруҳдаги рақибларимизга қараб ўз дастуримизни ишлаб чиқамиз, - деди Самвел Бабаян.

Сўзида давом этар экан, терма жамоамиз мураббийи шундай дейди:
- ЖЧни орзу қилмаётган мухлис бўлмаса керак. Бугунги тадбирдан сўнг уларнинг иштиёқи янада ошгани аниқ. Биз уларнинг орзулари амалга ошиши учун бор куч ва имкониятимизни ишга соламиз. Бунинг учун яхши футболчиларга эгамиз. ЎФФ президенти ҳам бу борада барча шароитларни яратиб беряпти.

- Гуруҳимиздаги рақиблар ҳақида нима деган бўлардингиз?
- ЖЧ саралашида осон ўйиннинг ўзи бўлмайди. Ҳар бир ўйинга жиддий қараймиз ва шунга монанд тарзда тайёргарлик кўрамиз. Бундан бошқа йўл йўқ. Ҳар бир рақибни шу бугуннинг ўзидан яхшилаб ўрганишни бошлаймиз. Мухлислардан илтимосим шуки, охиригача биз билан бўлишсин. Насиб қилса, биргаликда ЖЧга борамиз.