Самвел Бабаян: "Кейинги ўйинда жароҳатланган ва дисквалификациядаги барча ўйинчилар сафга қайтишади"
15 май 2023 00:08
Янгиликлар

Самвел Бабаян: "Кейинги ўйинда жароҳатланган ва дисквалификациядаги барча ўйинчилар сафга қайтишади"

Теглар : "Навбаҳор""Сурхон"Самвел Бабаян

Coca Cola Суперлиганинг 10-тури доирасидаги "Навбаҳор" - "Сурхон" (1:0) учрашувидан сўнг мезбонлар бош мураббийи Самвел Бабаян матбуот анжуманида қатнашди.

Ўйин ҳақида

- Ҳаммага салом. Ўйинга келсак, бугун учрашув шу тарзда давом этиши кутилганди. Майдон маркази ва таянч нуқтасидаги йўқотишлар бор эди. Шу сабаб ҳам марказий ҳимоячимиз таянч нуқтасида ҳаракат қилди. Умуман олганда, йигитларни табриклайман. Ўйин давомида ҳужум ташкил қилишда муаммо пайдо бўлган бўлса ҳам ғалаба қозондик. Ўйинни ҳам назорат қилдик. Фикримча, ўйин бу каби асаббузарлик билан тугаши керак эмасди. Кейинги ўйинда жароҳатланган ва дисквалификациядаги барча ўйинчилар сафга қайтишади. Оптимал таркибни майдонга туширишишга ҳаракат қиламиз. Сифатлироқ ўйин кўрсатишга умид қиламиз. Нима бўлишидан қатъий назар, ғалаба бу ғалаба. Мухлисларимизни табриклайман.

- Жамоани жисмоний тайёргарлигида бироз муаммолар борга ўхшаяпти...

- Гапингизга умуман қўшилмайман. Сабаби, биз битта тўп фарқи билан ғалаба қозондик. Бу вазиятда мантиқан олганда, ҳимояда ўйнашимиз керак эди. Бироқ, биз бу ҳолатда ҳам ҳужумга интилдик. Бу жамоа руҳан ва жисмонан тайёрлигини билдиради. Шу сабаб ҳам фикрингизга қўшила олмайман.

Ҳавола :

Манба : championat.asia

Янгиликларни Телеграмда ўқинг!

Рейтинг: -6