"СА" ЖЧга тайёрми? Бразилия терма жамоасининг футболкасини ютиб олинг!

Ўйинлар Тошкент вақти билан ноқулай вақтларда бошланиши мухлислардан ташқари ОАВ ходимларига ҳам қийинчилик туғдириши мумкин. Шундан келиб чиқиб тузилган режага кўра, сиз сайтимиздан узоқлашмаган ҳолда барча ўйинларнинг матнли трансляциясини мутолаа қиласиз. Ҳозирча шу нарсани ваъда қилган ҳолда аниқ бир ўйин олдидан қуриладиган дастурга эртадан бошлаб ўзингиз баҳо беришни бошлайсиз.

Бир ой давомида бизни кутиб турган катта байрам давомида ўқувчиларимиз учун кичик турнирни ташкил этамиз.

Ҳар куни соат 18:00дан 19:00га қадар (олий лига ва кубоги ўйинлари куни 22:00дан 23:00гача) 10та савол ўртага ташланади.

Турнир шарти қуйидагича: Ҳар 6 дақиқада савол ташланади. Кейинги саволга қадар берилган жавоблар инобатга олинади. 30 кун давомида энг кўп очко ишлаган ўқувчи Бразилия терма жамоаси футболкасига эга бўлади. Саволларнинг барчаси ЖЧга оид бўлади. Табиийки Ўзбекистон терма жамоасининг ҳам ЖЧ саралашларига оид саволлар ўйналади. Агар сиз бунга тайёр бўлсангиз, эртага старт оладиган мусобақамизда иштирокни бошланг.